Hárjehallan Diehtosiidda lášmohallanlanjas


Sámi allaskuvlla studeanttain lea vejolaš hárjehallat Diehtosiidda ođđa lášmmohallanlanjas gos leat buorit hárjehallanrusttegat.





DIEHTOSIIDDA LÁŠMMOHALLANLANJA NJUOLGGADUSAT 

Oppalaš njuolggadusat

Ř  Geavat dušše ráinnas viehkanskuovaid (dušše fal dakkár skuovaid, maid it geavat olgun).

Ř  Váldde vuhtii earáid, geat geavahit lášmmohallanlanja.

Ř  Buot lášmmohallanlanja geavaheddjiin lea ovddasvástádus čorget iežaset maŋis, ja bidjat lášmmohallanrustegiid sadjái go leat geargan daid geavaheamis.

Ř  Galggat lášmmohallanrustegiid sihkkut jus rustegat leat man ge ládje njuoskan (dát gusto earenoamážit elektruvnnalaš rustegiidda, nu go sihkkelii, viehkanmašiidnii ja suhkanmašiidnii).

Ř  Buot lášmmohallanlanja viessogálvvut ja rustegat galget geavahuvvot várrogasvuođain. 

Ř  Lášmmohallanjanja viessogálvvut/rustegat eai galgga dolvojuvvot eret lášmmohallanlanjas.

Ř  Jus viessogálvvut/rustegat billahuvvet, de sáhttá dat mielddisbuktit buhtadusgeatnegasvuođa.

Ř  Ii leat lohpi buktit iežas lášmmohallanrustegiid/apparáhtaid lášmmohallanlatnjii.

Ř  Geavahannjuolggadusat leat biddjon lášmmohallanlanja seaidnái. Bivdit ahte geavaheaddjit vuhtiiváldet njuolggadusaid.

Ř  Buot lášmmohallandoaimmat dahkkojit geavaheddjiid iežaset ovddasvástádusain ja risikoas.

 

Čoavddakoarta

Ř  Lášmmohallanlatnja lea čálgofálaldahkan buot Sámi allaskuvlla registrerejuvvon studeanttaide, Diehtosiidda bargiide ja earáide geaidda lea addon sierra lohpi. Čoavddakoarttain beassá lášmmohallanlatnjii, molssodanlanjaide ja sávdnjái. Olmmoš geasa ii leat addon čoavddakoarta,  ii beasa dáidda lanjaide.

Ř  Čoavddakoarta lea persovnnalas koarta, ja dan ii sáhte addit earáide. Dušše čoavddakoartta eaiggát oažžu geavahit koartta.

Ř  Dárkkistuvvo ahte dušše fal sii, geain lea čoavddakoarta/beassanlohpi, geavahit lášmmohallanlanja ja dasa gullevaš lanjaid.

Ř  Čoavddakoartta boasttu geavaheapmi dahje njuolggadusaid rihkkun sáhtta mielddisbuktit ahte olmmoš geasa guoská ii beasa šat lanjaide. 

Lea dehálaš ahte buot geavaheaddjit čuvvot lášmmohallanlanja njuolggadusaid ja čorgennjuolggadusaid. Lášmmohallanlanjas ii leat lášmmohallanbagadalli. Dan dihte fertejit buot geavaheaddjit vuhtii váldit nuppiid, ja geavahit rustegiid nu go čujuhuvvon.

 

SÁVVAT BUOHKAIDE BUORI LÁŠMMOHALLANMOVTTA!

 



Njuolggadusat leat mearriduvvon Diehtosiidda stivrenjoavkkus 01.10.2009 ja rievdaduvvon 28.01.2013