Mánáidgárddi ohcanskovi deavdinbagadusat

Gii sáhttá ohcat?
Buot Sámi allaskuvlla registrerejuvvon studeanttat, sii geat leat ohcan oahpposaji Sámi allaskuvllas ja earát sáhttet ohcat saji mánáidgárddis. Muitte namuhit makkár oahppojahkái don ozat mánáidgárdesaji.

Dieðut máná birra
• Lea dehálaš čállit máná riegádanbeaivvi ja -jagi. Sisaváldimis biddjo máná ahki jahkemolsumis vuoððun.
• Ferte namuhit eará oappážiid namaid ja riegádandáhtoniid ja čállit sierra ohcamiid jos ohcá mánáidgárdesaji eará oappážiidda maid.

Bearášdieðut/dieðut oahpu birra, vejolaččat bargu váldofidnun
• Váldoohccin biddjo son guhte lea studeantan Sámi allaskuvllas
• Jos sihke eadni ja áhčči leaba studeantan Sámi allaskuvllas, de biddjo ohccin son guhte lea guhkibut studeren Sámi allaskuvllas.
• Jos váldoohcci/bálddalaš ohcci lea barggus/oažžu bálkká oahppoáiggis, de galgá čállit dan.
• Ruovttubáikki čujuhus: Dás muitala ohcci čujuhusa Álbmotregistaris.
• Lea dehálaš čállit telefonnummira mas oažžu ohcci ságaide jos dárbbaša lassi dieðuid.
• Dieðuid oahpu birra galgá duoðaštuvvot ja merkejuvvot mielddusnummiriin.

Fuobmá:
Buot dieðut mat leat dehálaččat ohcama árvvoštallamis galget duoðaštuvvot nummiraston mildosiiguin.